|| BAN ||
Post più popolari
-
Preso da un delirio di onnipotenza anche io ho deciso di aprire il mio blog ed esibire il mio Ego sproporzionato, anche se in realtà, cazzat...
-
Eccoci per un'altra interSvista.Persone e personaggi di una Sardegna che c'è, dentro e fuori dall'isola. Tatuato e tatuatore, ... -
Il festival della merda è uno sforzo collettivo per liberarsi e librarsi. Scriviamo libri, cantiamo canzoni, sputiamo colori, mangiamo buon... -
Lottiamo ancora per i nostri diritti , quelli che uno stato si mette nel culo tutti i santi giorni. Lottiamo pure, ma senza Piangere e ... -
Fueddai in Sardu fintza Asubra de su xelu . Ddoi est unu amigu miu chi narat " fueddai in sardu est una cosa Normali!!!". In ...
BLoG EXPreSs
domenica 26 agosto 2012
Ddoi est unu amigu miu chi narat " fueddai in sardu est una cosa Normali!!!". In tempus de oj pentzaus chi
sa lingua nostra siat una manera de fueddai ispetziali, est sa lingua de su sentidu et scetti Candu s'arrenegaus
ndi bessit su murrungiu in sardu, su fueddu malu.
Candu intendeus callincunu fueddai in sardu esti casi casi sa lingua de su Folklori , de is biddas, sa lingua de sa minoria et de is beccius.
Ma sa beridadi est un attera, sa nostra est sa "lingua Mama" et dephit essi una cosa Normali a dda fueddai
et a dda intendi fueddara in calessisiat logu.
Non brintu in arrejonamentus de is linguistas,ca funti sempiri Battallendi po cali siat sa mellu varianti :
Campidanesu, logudoresu, limba de mesania o cussu chi nanta s'LSC ( Limba sarda comuna ).
Deu linguista non seu. Deu imperu su sardu me in cantzonis et bivendi in Sardigna aphu ammisturau campidanesu et logoduresu, su sardu cun s'inglesu et s'italianu; deu fatzu su raap in sardu et giogu cun is fueddus.
Me in s'arretza aphu biu unu bideu aundi su Comandanti ( sardu ) de un aparechiu de sa ryanair fait s'annunciu in Inglesu cumenti est giustu chi siat et a pustis in Sardu campidanesu.
Seu abarrau spantau et prexau cument' a totus. Ma aphu pentzau...poita mi dephu spantai, custa est sa lingua nostra et duncas est Normali a dda fueddai in donnia logu.
Custu Cumandanti at fattu una cosa bella po sa terra nostra, at imperau su sardu in d'unu annunciu uffitziali cun istrutzionis importantis aintru de unu aparechiu. Si andaus in catalugna su bilinguismu esti cosa imperada donnia diri.
In s'aeroportu de Barcelona fueddant su Catalanu, aicci étotu in donnia logu de traballu fueddant inglesu, castiglianu et Catalanu.
Si deu una diri intru in d'una buttega de bistimentasa in Casteddu ,mancai de cussas prus Chic...de Moda...
y prenguntu: saludi,diat a bolli biri una camisa po mei...
Parrit ca mi dda biu sa cummissa sarda...m'at a pigai po "biddunculu" , po grezzu, et m'at arrespundi in Italianu...
sempiri si at aj cumprendiu su chi aphu nau.
Deu non sciu su nomini de custu Cumandanti chi bolat in su xelu de s'europa imperendi sa lingua nostra et diat a bolli conosci fintzas po ddi nai de sighiri a fueddai su sardu.
Candu andu in catalugna deu ollu fueddai catalanu cun sa genti. Deppeus imparai a cumprendi ca Sa lingua nostra non est ispetziali o fait arriri , est una lingua chi tenit dignidadi cumenti s'italianu o s'inglesu.
candu intendu ca is comicus de oj o fintzas in facebook imperant su sardu po fai sa battuta et po fai arriri sa genti,mi benit tristesa et pagu gana de arriri.
Ma candu sciu ca unu cumandanti imperat su sardu po fait su traballu cosa sua mi praxit a pentzai ca una diri totus eus a podi fueddai in sardu ,cun s'apothecariu, me in d'unu uffitziu, contendi unu contu grassu o un'historia trista. sigheus a fueddai et a iscriri sempiri mellus , sigheus a fueddai in sardu poita est normali , sigheus a ddu fueddai in donnia logu...
custu est su bideu de su cumandanti sardu
Torru gratzias a Davidi Fadda chi m'at agiudau a fai is curretzionis in campidanesu a cust'iscrittu,
deu puru seu imparendi et sigu sempiri a fueddai mellus sa lingua nostra.
Sa imagine est de A.Taras
Alisandru Quilo Sanna
Etichette:
campidanesu,
comandante sardo,
cultura,
fueddu,
limba,
lingua sarda,
linguista,
logudoresu,
natzioni sarda,
sardigna,
sardu,
volare
Iscriviti a:
Commenti sul post (Atom)
0 commenti:
Posta un commento